Um verkefnið
Verkefnið „Konur gára vatnið”” – Eflum leiðtogahæfni kvenna”” miðar að því að efla leiðtogahæfni, fagmennsku og styrk kvenna á vinnumarkaði.
Markmið verkefnisins er einnig að auka þekkingu á fjölda kvenna í forystuhlutverkum en þar hallar á konur og hvetja þátttakendur til að rjúfa hefðbundið kynjamynstur þegar kemur að forystu í atvinnulífinu og „gára vatnið“.
Sjálfstraust
Að efla sjálfstraust, sjálfsvitund, hæfni á vinnumarkaði og tækifæri kvenna til áhrifa eykur líkur á að loka megi kynjabilinu á vettvangi stjórnunar og forystu í atvinnulífinu
Sterk tengslanet
Mikilvægt er að koma sér upp sterku tengslaneti kvenna sem vilja auka áhrif sín innan sem utanlands, ávarpa félagslega inngildingu og tryggja að konur sem mæta hindrunum á vinnumarkaði nái sínum faglegu markmiðum.
Þarfir kvenna
Nauðsynlegt er að þekkja þarfir kvenna þegar kemur að leiðtogaþjálfun og tengja við kröfur sem gerðar eru i atvinnulífinu. Þannig verða tækifæri, valmöguelikar og stuðningur við faglega þróun hámörkuð.
Megin áherslur í fræðslu og þjálfun
Fræðsla og þjálfun
Stað- og fjarnán verður þróað til að veita verkfæri sem stuðla að bættri samskiptahæfni, samningatækni og sköpun til að tryggja félagslega inngildingu og árangur
Fjarnám
Þátttakendur á námskeiðum munu fá fræðslu á netinu í gerð eigin áætlana og fá tækifæri til að taka virkan þátt í alþjóðlegu leiðtogaverkefni sem hefur verið þróað í Bretlandi á síðustu árum "The leader Circles". Boðið verður upp á félagastuðning í námsferlinu.
